Fróðleikur um flóru og gróður
Skrifað um February 7, 2013 · in Almennt
Einn sendi inn lausn á síðustu vísnagátu en rataði ekki á rétta orðið. Lausnarorðið er grænn, sem skýrist þannig:
Vera á þessum viði‘ er gott; [gott að vera á grænni grein]
verður oft með hvelli. [gerist í einum grænum er oft sagt]
Hljóta slíkir háð og spott; [þeir sem eru grænir, græningjar, eru reynslulausir]
helzt það prýðir velli. [grænir vellir þykja fallegir]
Fleiri verða gáturnar ekki að sinni.
ÁHB / 7.2. 2013
Vakin er athygli á, að VISTFRÆÐISTOFAN tekur að sér margvísleg verkefni á sviði náttúrufræða, einkum grasafræði og vistfræði, en getur jafnframt útvegað sérfræðinga í mörgum öðrum fræðigreinum.
Unnt er að veita ráð um ræktun, fornar grasanytjar, sveppa-sýkingar í mannvirkjum, umhverfismat og nýtingu landssvæða.
Að auki höfum við tekið að okkur yfirlestur ritgerða og greina, fyrir utan fjölbreytt önnur viðfangsefni eins og skipulagningu ferðahópa, plöntugreiningar, leiðarlýsingar, fyrirlestra um náttúru landsins og lækningaplöntur, þýðingar úr sænsku og ensku, kennslu í líffræði og lífefnafræði, svo að nokkur dæmi séu nefnd.
Þá höfum við nú tækjabúnað til þess að taka loftmyndir úr tiltölulega lítilli hæð.
Leitast er við að sinna öllum verkefnum á faglegan og vandaðan hátt við sanngjörnu verði.
Sími 5536306 og 6621199.